English
eDialog – send post og dokument sikkert
Med tenesta eDialog kan både privatpersonar og verksemder sende dokument til Fiskeridirektoratet via ein sikker og effektiv kanal.
Tenesta krev sikker identifisering, som for eksempel BankId eller MinId.
Når kan du bruke eDialog?
- Når du sender post med konfidensielle opplysingar
- Når du sender dokumentasjon til eksisterande sak
- Når du sender andre dokument
Når skal du ikkje bruke eDialog?
- Når Fiskeridirektoratet tilbyr eigne elektroniske skjema til formålet eller det gjeld tenester og skjema på Min side.
- Dersom du har generelle førespurnader – send heller ein vanleg e-post til Fiskeridirektoratets postmottak.
Nyttig å vite når du fyller ut eDialog-skjema
- Beskriv kva sendinga handler om i tittelen. Dersom du allereie har eit saksnummer frå Fiskeridirektoratet, skriv du dette inn i tittelen.
NB: Ikkje bruk personsensitive opplysingar i tittelfeltet. - Det du skriv i kommentarfeltet vil legge seg som eit eige vedlegg til innsendinga.
- Vurder om det du sender inneheld personsensitive opplysingar.
- Last opp nødvendige vedlegg.
- Du vil få ei kvittering i nettleseran din. Denne blir også sendt til e-postadressa di saman med referansenummer for innsendinga.
Du kan svare Fiskeridirektoratet via eDialog
Dersom Fiskeridirektoratet sender brev til deg via Altinn/eBoks/Digipost vil du i sendinga sjå ei lenke til eDialog-skjemaet «Svar på denne forsendelsen». Der kan du fylle ut, laste opp vedlegg og sende tilbake til oss. Svaret vil bli sendt direkte inn i saks- og arkivsystemet vårt.
Bruk av eDialog-tenesta gir mange fordelar:
- Data blir overført kryptert.
- Det gir ein sikker identifikasjon av avsendar.
- Dokument blir sende elektronisk og blir mottekne direkte i Fiskeridirektoratets system.
- Vi sparar tid og pengar på postgang, porto og registrering.