Føring av setel

I skrivet under, «Informasjon om krav til ressursregistrering ved landing av leppefisk i 2024», blir det gitt nærare informasjon om reglane for ressursregistrering ved landing av leppefisk. 

Informasjon om krav til ressursregistrering ved landing av leppefisk i 2024 (pdf, 195kb)

1. Fiskar vil overføre fangst frå fiskefartøyet til eit anna fartøy

Kvantumet som vert fiska av det enkelte fiskefartøy kan ikkje overførast til anna fartøy for å bli levert med dette til oppdrettar (kjøpar), jamfør forskrift om regulering av fiske etter leppefisk § 15 (lovdata.no) Det er forbode å motta og lande fangst som er fiska av eit anna fartøy.

Bestemminga i § 15 er heimla i havressurslova § 37 (lovdata.no), derr det står at departementet kan av kontrollomsyn forby eller fastsetje nærare reglar om omlasting. Med omlastning vert meint i havressurslova § 37 overføring av fangst frå eit fartøy til eit anna, og tilsvarande overføring mellom andre flytande installasjonar enn fartøy, blant anna mellomlagringsmerd.

Formålet bak § 15 er omsynet til best mogeleg ressurskontroll, herunder sikre berekraftig forvalting av dei viltlevande marine ressursane.

2. Fiskar vil blande fangstar frå fleire fartøy i same mellomlagringsmerd før sluttsetel er skriven

Fangstar frå fleire fartøy kan ikkje blandast i same mellomlagringsmerd før sluttsetel er skriven. Dette følgjer av landingsforskriften § 17, første ledd (lovdata.no) der det står at all fisk frå eit fartøy skal haldast skild frå fisk som vert landa frå andre fartøy fram til veginga er avslutta og setelen er skriven.

3. Fiskar vil samle opp og føre fangstar frå fleire eigne fartøy samtidig og med eit fartøy

Dette er ikkje tillate.

Det er i medhald av forskrift om fiske etter leppefisk § 15 (lovdata.no) forbode å motta og lande fangst som er fiska av eit annet fartøy. Vidare står det i landingsforskrifta § 17, første ledd (lovdata.no), at all fisk frå eit fartøy skal holdast skild frå fisk som vert landa frå andre fartøy fram til veginga er avslutta og sluttsetelen er skriven.

Fiskar må anten føre fangsten sjølv til oppdrettar med fartøyet det er fiska med, eller fisken kan takast opp frå merd til eit føringsfartøy, eventuelt overførast frå fiskefartøyet til eit føringsfartøy, som fører fangsten til oppdrettsanlegget av/på vegner av oppdrettar (kjøpar). Det skal førast sluttsetel ved opptak frå merd til kjøpar sitt føringsfartøy, og tilsvarande ved overføring av fisken frå fiskefartøyet til kjøpar sitt føringsfartøy, jamfør landingsforskrifta § 8 andre ledd.