Norsk FMC (Fisheries Monitoring Center)

Ei viktig oppgåve for senteret er dagleg overvaking og oppfølging av fiskefartøya si innsending av posisjonar og andre typar elektroniske rapportar, som flåten er pålagd å sende til Fiskeridirektoratet.

Rapporteringsplikta gjeld både norske fiskefartøy i ulike farvatn, og utanlandske fiskefartøy, som oppheld seg eller fiskar i norske farvatn.

Ved å kombinere dei elektroniske dataa som fiskeflåten rapporterer til Fiskeridirektoratet kan vi identifisere fiskeriaktivitet med stor presisjon. Dette er viktig, spesielt for å kontrollere fartøya sin aktivitet, men også for å følge med i utviklinga i fisket.

Norsk FMC er eit viktig kontaktpunkt mellom anna for fiskarar, oppdrettarar, Kystvakta og inspektørar som arbeider med kontroll.

Senteret har også ei viktig rolle i kampen mot ulovleg fiske gjennom sin kontakt med nasjonale og internasjonale overvakingssenter.

Norsk FMC har vidare ansvar for Fiskeridirektoratet sin beredskapstelefon, som kan brukast for å melde inn alge- og manetoppbløming, og stranda sjøpattedyr.